ZUALKO: Tuzing Kalaymyo ah tlangvalno Salai Van Hmun ThangKum 18 ti ah a paam

August 2, Kalaymyo Kyutonepin Sang um Salai Van Hmun Thang (kum 18) cu tiva a kalnak ah ti in a paam tiah theih a si. July 31 lio ah Sinzwa chaklei Sigyi tiva ah nga tlai ding in a kal i a rak tin ti lo. August 1 ah Sangmi nih an kawl nain an hmu lo.  August 2 zinglei 10:00 AM hrawng ah aruak cu an hmuh. Zaan 2:00 ah aruak an vui lai tiah Zalen nih a tial.

Relchap: CDF-Hakha nih Surkhua RC Father le Dumva Khuami an Tlaih Hnanak aruang an Langhter.

CDF-Hakha nih July 26 ah an tlaihmi hna Surkhua RC Father Rev. Noel Hrang Tin Thang le amah he khual a tlawngmi Dumva khuami saya Clement Cung Hnin an tlaih hnanak aruang tuzaan (August 1) ah an langhter.

An tlaih hnanak aruang: (1) Surkhua ah ralhrang ralkap nih hmunhma khuar ding in an i tim peng i, Senthang peng chung khuasa pawl lemsoi ding in Father Rev. Hrang Tin Thang an hman.

(2) Ralhrang ralkap tuahmi Tender cu Senthang Company ah Managing Director a sinak min hmang in a lak i a ttuan cuahmah.

(3) Senthang peng ah a ummi CDF-Hakha (Battalion-2) an umnak lei ah a kalmi ralhrang ralkap minung 57 cu July 1 ah Surkhua le Hausen karlak ah a don hna.

(4) Hakha ralhrang ralkap nih sii-ai in mi an lemsoinak thilri cu July zarh khatnak ah Hakha ah a vung lak lawng si loin Senthang khuami pawl ralhrang bawmhnak lak ve ding in a forhfial hna.

(5) CDF-Hakha kong ningcang lo le dikhmaan loin a leng ah messenger in a kuat hna. SAC ralhrang he pehtlaihnak a ngeihmi kong ah CDF-Hakha nih July 6 ah le July 15 ah voi hnih ralrinnak kan rak pek cang, tiah thawngthanhnak ah an langhter chih.

Credit : The Chin Journal August 1, Yangon

error: Content is protected !!