Thlacam Bawm Cio Hna Usih……Falam Peng Thlanrawn khua ah CNA+CDF le SAC ralkap an i kap cuahmah

October 14, zaanlei 2:00 PM hrawng khan Falam Peng ah CNA+CDF an i kap cuahmah tiah kan theih. Atu hi CNA+CDF le SAC ralkap pawl 2:00 PM hrawng khan Falam Peng Thlanrawn ah kan i phomh cuahmah. Thawng fiang belte a um kho rih lo,” tiah CNF Spokesman Salai Htet Ni nih The Hakha Times ah a chim.

Thlanrawn khua hi nihin chun ah SAC ralkap pawl nih inn 10 an khanghpiak cang hna i kahdohnak tih in khuami an zaam, tiah kan theih. The Hakha Times

adang….. SAC ralhrang motor a tlawm bik 55 hrawng cu Falam peng, Vaar phak hlan Lumbang khua ah an phan i Lumbang sianginn ah hmun an khuar, tiah CHRO nih a langhter. Nihin zaanlei sml. 5:30 hrawngah Lumbang ah an phan i motor 9 hi Kalay lei ah an kir tthan. An lawng in maw an kir timi bel fiang in kan thei kholo. Ralkap in a zaammi hna nih an chim ning ah aralaimi ni tlawmpal chung ah CNF Headquarters fak piin doh ding in timtuahnak an ngei tiah CHRO thawngthanhnak nih a langhter.

May be an image of outdoors

adang- Tedim ah air-gun in vate a peel mi mino pahnih SAC ralkap nih tlaih. Chin Ramkulh, Tedim khua hauka signboard pawng ah air-gun in vate a peel mi Sezang khuami mino pahnih cu October 9 lio ah khan SAC ralkap nih an tlaih hna. Zalen

May be an image of sky

adang- PPDF Nih Ralhrang 18 Nak Tlawmlo Thah.

Pale People Defense Force (PPDF) nih tuni (Oct10 ) ah ralhrang cu voi 3 bomb in an puah hnawh hna i a tlawm bik 18 an thi tiah theih asi. Sagaing ramtthen Pale pengkulh Lawngpian lamkual pawng ah Saikel in a ra rami ralhrang pawl cu October 10 (tuni) zing suimilam 9 hrawng ah Bo Nagar hruaimi Pale People Defense Force (PPDF) nih bomb in an puah hnawh hna i ralhrang 6 an thih pin ah Sakel 3 a rawk dih tuah PPDF nih thanh.

No photo description available.

Cu Saikel hnu lei in a rak i zulmi ralhrang nih an i citmi Express motor zong Bomb nih a puah i ai let nain ralhrang zeizat an thih ti belte PPDF nih fiang in theih khawh asi rihlo.  Cu a dih hnu tuzing suimilam 10:45 hrawng ah Pale peng Tazetgan lam tthen pawng ah Ralahrang palek motor pakhat cu PPDF nih bomb in an puah tthan i ai citmi palek an dihlak in an thi. A tlawm bik minung 12 an si lai tiah theih a si. PPDF nih cun October 10 (tuni) ah a tlawmbik 18 an thah cang hna i Express motor he telh cun ralhrang timi 18 nak tam an si hrim lai. TFT

error: Content is protected !!