Thawngpang Thar Tha Tak Tak Kan Theih Than.

US App Store Ah War of Heroes PDF Game Cu Top – 10 Ah Ai Tel, Ni 5 Chungah Dollar 17000 Leng A Lut, Sagaing Ramthen Kanghuh Tuar Le Ralzaam Caah A Pek Lai.

US App Store ah ”War of Heroes PDF” game cu Top- 10 chung ai tel caah ni 5 chung ah American dollars 17000 leng a lut tiah PDF game lei tuanvo ngeitu pakhat nih Yangon khit thit ah a chim.

” Paid version US App store ah Top-10 a luhnak ni 5 a si cang. Hi ni5 chungah hin USD 17000 leng a kai i ni 7 chung a lut mi cu inlo duah piak tong mi Sagaing ramthen ralzaam hna caah hlut ding in kan timh tuah. PDF game le Mine Kayee RIDE BEHIND KALAW , Play2 Donate hna fonh in Chin Lakh Campaign (ချင်း သိန်း ၁၀၀၀ ကမ်ပိန်း)tuah ding kan ngei ” tiah game tuanvo ngeitu nih a chim.

PDF game paid version ah Advertisement lut lo caah phaisa in kan cawk chawm i tu ah cun tam ngai cawk a si cang i USD 100 man a caw i tha a kan pe mi an um. Ramkip media cahmai cheukhat zongah PDF game he pehtlai in an langhter mi hna zong a um i ramkip ah ai celh mi zong an um pah len cang tiah PDF game tuanvo ngeitu sin in theih a si.

Cu PDF game cu iOS App Store US ah cawk a si ah cun 0.99USD a si i iPhone a tlaihmi mipi hna nih nn Download cio awk le Top – 10 ah caan saupi a dir khawh nak lai le ramkip nih Download a tuah mi an tam deuh lai i phaisa hmuhnak a tam deuh lai i kan ram mipi bawmh nak tam deuh kan pek khawh ve lai tiah a chim.

Paid Version Download tu pohpoh nih mah pumpak number te ngeih cio si lai i Apple Watch Series 7 vantha laksawng( Lucky draw) zong a um lai, A rauh hlan ah Android hna ca zong ah timhtuah nak kan ngeih mi tete a um tiah PDF game cahmai ah an langhter.

Credit : The Chin Post