Salai Lungthli Tum Nih A Chim Mi Cu A Mak Tak Tak.

‘Ramdang ummi hna nih tulio dollar million tampi an thawhmi vialte hi kan mino thihnak, kan innlo rawhralnak, tah aihramnak, ralzam an karhnak, kan Laitlang ah uico ralkap an karhnak lawngte a chuahpitu “raltuk nak” caah hmang ti loin Thantlang sersiam thannak caah an hman lai.

‘CDF zong nih Thantlang lak taktak an i tim lo caah khuachung hmunhma lak le i kah an hrial cang lai i furpi a tlak hlan ah ralzam zong a tang rihmi Thantlang inn ah an kir cang lai’ tiin zahan zaan mang ka manh i kai lawm tuk nain ka vun i thangh ah ka mang menmen a rak si diam ai.

Credit : Salai Lungthli Tum

Thantlang Khuachung Kahdohnak Ah SAC Ralkap 6 An Thih Pin Ah 8 Nak Tam Hliam An Tuar.

May,23 Thantlang khuachung kahdohnak ah SAC ralkap 6 an thi, 8 leng hliam an tuar i Chin ralkap 4 hliam an tuar nain an hliamhma a fak tuk lo tiah theih asi.

May 23 zinglei slm 6:30 zaanlei slm 2:30 tiang Thantlang khuachung hmunkip ah kahdohnak a chuak i SAC ralkap 6 an thih pin ah a tlawmbik 8 hliam an tuar tiah kan theih, Kahdohnak ah Chin ralkap 4 hliam an tuar nain an hliamhma afak tuk lo i thinphan ding a um lem lo, SAC ralkap hna nih cun inn zong tam lakte an khangh i a zat fiang in hngalh khawh asi rih lo tiah kan theih.

Credit : The Chin Post

Mindat Peng Ah SAC Ralkap Nih Hriamngan Kahnak In Ngakchia Pakhat A Ke Bul

Chin ramkulh, Mindat khua ah umhmun khuarmi SAC ralkap nih, Madat khua lei ah nihin May 23 zing sml 8:00 hrawng ah hriamngan voi tamtuk an kah, tiah theih a si.

Hriamngan kuan nih kum 11 hrawng ngakchia pakhat a khen caah a ke bul. Kum 40 leng nu pakhat zong a khen caah a lu ah aa hliam i pina inn 2 zong a khen caah an rawk dih, tiah CDF-Mindat nih cathanh an chuah.

Madat khua cu Mindat he hmaitonh in a ummi khua a si i, vanlawng lam in tah ahcun meng 3 hrawng lawng a hlami a si.

Nizan May 22 zan sml 10:00 hrawng ah Mindat khua meithat zung ah umhmun khuarmi SAC ralakp cu, CDF-Mindat nih an va kah hna caah 2 an thi. CDF-Mindat lei in a thimi le aa hliammi um lo tein hnu an kir kho, tiah theih a si.

Taze Peng Kahdohnak ah SAC Ralkap 13 An Thi, 20 Leng Hliam An Tuar

Sagaing ramṭhen, Taze peng chung ah kahdohnak voi 2 a chuak i SAC ralkap 13 an thi, 20 leng hliamhma an tuar tiah Taze-PDF nih May 22 ah cathanh an chuah.

May 22 zing sml 8:00 hrawng ah Taze khua thlanglei kam meng 4 hlatnak Khapawng Kyaing(ခပေါင်းကြိုင် ) khua in a chuakmi SAC ralkap 100 hrawng cu, Seinsa khua kam ah bomb in an puahhnawh hna i 3 an thi, tiah theih a si.

Cu hnu zanlei sml 3:00 hrawng ah SAC ralkap pawl cu, Taze peng Chaungyu khua le Ye U peng Hletun(လှည်းသွင်း) khua karah PDF nih kan kah ṭhan hna i, SAC ralkap 10 nak tlawm lo an thi, 20 leng hliamhma an pu, tiah Taze-PDF nih an langhter.

“A voikhatnak cu bomb in kan puahhnawh hna. A voihnihnak ah hriamngan he hriamhme he kan ṭhuat ṭhan hna. Minutes 40 chung hrawng kan i kap,” tiah Taze-PDF pakhat nih a chim.

Cu kahdohnak ah Taze-PDF, Shwebo pengkomh Battalion 6 le 7, Hphinit Taze(ဖီးနစ်တန့်ဆည်), Dragon Warrior ၊TY Local hna le a dang phu hna i bawm in an kah hna. PDF lei in a thimi le aa hliammi an um lo, tiah theih a si.

Rallam a sialmi SAC ralkap pawl nih Taze peng thlanglei um khuami inn cu, mei in an khangh caah an kah hna. Kahdohnak a daih in SAC ralkap pawl cu Ye U peng Panaka khua lei ah an lan, tiah theih a si.

Credit : The Chin Post