SAC Ralhrang Min Aung Hlaing Nih Thawngpaang Thar A Chimmi Cu Mipi Caah Ngaihchia Taktak Asiko

 

Ralhrangbu nih 2021 February 1 rampi uknak a lak hnuah Kawlram hruainak dingah State Administration Council (SAC) a dirh i, rampi nawlngeihnak pathum Executive power, Legislative power le Judiciary power vialte Min Aung Hlaing kut ah pek a si hnu thlaruk ah ‘caretaker cozah’ (inn hngak cozah-အိမ်စောင့်အစိုးရ) ah thlen a si tiin nihin August 1 ah ralhrangbu nih a thanh.

Innhngak a cozah vuanci-choh cu SAC chiarman Min Aung Hlaing a si lai. Duh-vuanci-choh ah SAC vice chairman, pyidaungsu vuanci pawl, Attorney General (sitne chok) le cozah zung i permanent secretary a si lai tiah thanh a si.

Min Aung Hlaing: the heir to Myanmar's military junta

Ralhrangbu nih nawlngeihnak a lak le cangka in ralhrangbu uknak duh lo in mipi tampi nih duhlonak an langhter i nunnak a liam mi le an tlaih mi zong tampi an um. A tutiang lamzawh hi a dai kho taktak rih lo. Ralhrangbu tangah riantuan a duhlo mi cozah riantuan le force lei riantuan tampi nih CDM an tuah caah SAC min in thla 6 chung an kalnak ah chawlehnak, ngandamnak, fimcawnnak rian pakhat hmanh a kalpi kho taktak lo caah Min Aung Hlaing nawlngeihnak a thawn khawh deuhnak caah Newin lam zulh in ‘caretaker government’ (အိမ်စောင့်အစိုးရ) in a let.

Ramrian rianrangin a kal khawhnak ding caah ramkulh le ramthen council hna cu ramkulh, ramthen cozah bu ti a si lai i, vuanci choh le minister hna vuanci-choh, vuanci 6 le attorney general tiin form a si. Ralhangbu cathanhnak hi rampi hruai ning, ramthen le ramkulh i hruai ning hna a thlen hnuah Erawady, Thanithari le Sagaing ramthen RAC chairman hna cu an rian in dinhter an si.
Ref; RFA

No description available.

Relchap: CDF-Hakha nih Surkhua RC Father le Dumva Khuami an Tlaih Hnanak aruang an Langhter.

CDF-Hakha nih July 26 ah an tlaihmi hna Surkhua RC Father Rev. Noel Hrang Tin Thang le amah he khual a tlawngmi Dumva khuami saya Clement Cung Hnin an tlaih hnanak aruang tuzaan (August 1) ah an langhter.

An tlaih hnanak aruang: (1) Surkhua ah ralhrang ralkap nih hmunhma khuar ding in an i tim peng i, Senthang peng chung khuasa pawl lemsoi ding in Father Rev. Hrang Tin Thang an hman.

(2) Ralhrang ralkap tuahmi Tender cu Senthang Company ah Managing Director a sinak min hmang in a lak i a ttuan cuahmah.

(3) Senthang peng ah a ummi CDF-Hakha (Battalion-2) an umnak lei ah a kalmi ralhrang ralkap minung 57 cu July 1 ah Surkhua le Hausen karlak ah a don hna.

(4) Hakha ralhrang ralkap nih sii-ai in mi an lemsoinak thilri cu July zarh khatnak ah Hakha ah a vung lak lawng si loin Senthang khuami pawl ralhrang bawmhnak lak ve ding in a forhfial hna.

(5) CDF-Hakha kong ningcang lo le dikhmaan loin a leng ah messenger in a kuat hna. SAC ralhrang he pehtlaihnak a ngeihmi kong ah CDF-Hakha nih July 6 ah le July 15 ah voi hnih ralrinnak kan rak pek cang, tiah thawngthanhnak ah an langhter chih.

Credit : The Chin Journal August 1, Yangon

error: Content is protected !!