RIP : A Poi Tak Tak Tanghra A Sungh Caah A Mah Tein Ai That.

A poi tuk hring hran ko e. Ralhrang nih an tuah mi Tanghra Camipuai a sungh ruang ah a mah tein ai that. Rakhine ramkulh Yatehdawng peng Gonedan khuate ah nu pakhat cu Tanghra a sungh ruang ah Thihsii a din i a nunnak a liam tiah kan theih. Ralhrang tuahmi ruang ah hi bantuk in a nunnak a liam hi a poi tuk hring hran ko. Bawipa nih a chungkhar le hnem hram ko hna seh.

Hlasakthiam Iang Len Sung hmanthlak pawl cu an mak kho tuk e. Cu tluk kan Lainu dawh le pumrua that khawh cu. A body cu a mak law law khi si. Lai tlang Gospel singer kan neih mi hna lakah aa dawh bik pawl cu a si hrim hrim ko. A tanglei a hmanthlak pawl hi van zoh.

 

Credit : Azuma

SAC Ralkap He Riantuanti Lo Ding In CDF-Hakha Nih Mizapi Sin Ralrinpeknak Cathanh An Chuah!

Min Aung Hlaing le a ralkap hna nih 2021 February 1 ni thokin kan miphun le ram cu sal ah ser an kan timh. Hriamnam bochan in mizapi an kan namneh caah CDF-Hakha zong nih hriamnam hmang in mizapi kilvennak cu kan tuah ve. Hakha khua chungah ralhrang pawl nih mizapi an namneh tuk cang caah CDF-Hakha nih hi cathanh chuah ni thok in ralhrang hna cu kan hmuhnak paohah kahdohnak kan tuah cang lai. Ralhrang he rian a ṭuan ṭimi zong ralhrang bantukin ruah nan si lai.

Ralhrang nih mizapi cu ralphaw ah hmang in himnak an kawl i an uknak fehter an timh fawn. Cucaah Ralhrang umnak pawngkam ah mizapi nan um nakhnga lo thawng kan in thanh hna.

Ralhrang he rian na ṭuanṭi ruangah kut na tuar ah siseh, an umnak hmun, zung le sianginn pawl pawngkam ah na um ruangah kahdohnak hma na tuar ah siseh, Ralhrang le nangmah palh a si lai, CDF-Hakha nih tuanvo a la lai lo.

Kan ram le miphun a luat hlan lo nunnak thap in dothlennak tuahṭi ding in kan in sawm hna tiah nihin June 16 ah CDF Hakha nih cathanh an chuah.

Credit : The Chin Post