Ralhrang Nih An Sakhan An Zaam Tak Dih.

KNLA Cun A Langte Sung Tanhmun An Khuarnak Ralhrang Sakhan An Luhcilh Ih Ralhrang Pawl An Tlan Hlo Thluh

27 November 2021, By Ele Chinsisters : Kayin pine, Pha Pun myone, Ma Htaw khua kiangih um ralhrang ralkap pawl ih a langte sung tanhmun an khuarnak sakhan cu KNLA cun tuini November ni 27 zing nazi 5:30 hrawngah an va luhcilh ih ralhrang thenkhat an kaih ngah ih hleiah a dang pawl cun lusam manglo in sakhan an suahsan thluh thu theih asi.

“ Hi sakhan cu a langte sung hrang an tuah mi sakhan men asi, sakhan picang cu asi lo. Tuizing KNLA cun an va kap, ralhrang pawl an tlan hlo thluh, an kaih ngah mi ralhrang mipum zat cu kan nemhnget thei hrih lo “ tin KNU thuthang Le Deputy Ministry ih tuanvo neitu pakhat cun asim.

Cui an doawknak ahcun nazi hrek hrawng a rei ih ralhrang lamin thi an um ih hleiah ralhrang ralkap mi 6 khal an kaih ngah thu le KNLA sungtel pakhat cun ram hrangah a nunak a hlan ve thu KNLA thuthang hram pawl cun Social Media ah an tarlang thu theih asi. Cui sakhan cu Ma Htaw khua le Ku Seik khua karlak Pha Pun- Ka Ma Maung motor lamzin parih um mi asi.

Credit : Ele Chin Stars

(RELCHAP) Wow! Sarah Van Tin Hnem Nih Pathian Thangthatnak Hla Thar A Sak Mi Cu A Thiam Law Law.

Kan Lainu Gospel Singer Sarah Van Tin Hnem nih Pathian thangthatnak hla thar “Nunnem Jesuh” timi hla a sakmi cu a thiam law law. Cu tluk kan Lainu hlasakthiam khawh cu. Pathian lei thazaang a dermi ca zong ah thazaang tampi lak khawhnak a si. A tang bak ah a video link um lai. Bawipa sunparnak caah si hram ko seh.

VIDEO  https://www.youtube.com/watch?v=I6Oo499OFUs

Video Credit : Sarah Van Tin Hnem

(RELCHAP) Mukung, ChinChaitthan lei ah ralhrang le MNDAA kahdohnak a chuak.

Shan ram thlanglei Mukung pengkomh Chin Chaitthan lei ah ralhrang phu le MNDAA kar ah nizaan November 24 chun suimilam 11:52 ah kahdohnak thok in suimilam 4 leng tiang kahdohnak a chuak, ralhrang lei in a tlawmbik minung 3 an thi i MNDAA lei in minung 1 nih hliamhma a tuar tiah The Kokang thawngzamhnak nih a tial. Ralhrang phu hna nih Kokang MNDAA umnak Manyan hmunhma le Shigyijya tlang lei ah hriamngan kah in an doh caah nikhat chung ah hriamngan kuan dihlak (120) leng an kah i, Kokang MNDAA lei in minung 2 cu hriamngan nih a hliamh hna tiah theih a si.

Ralhrang phu hna i nichuah thlanglei regional military headquarters in khah-lah-yiah 41 nih Kokang hmunhma 1, Mukung pengkomh chung ummi sakhan pakhat ah zinglei suimilam 10:35 ah an rat hnawh hna caah KNDAA he kahdohnak a chuak. Cun Namlaw hmunhma nitlaklei ah ral lamsial in a kalmi ralhrang phu hna he minutes 40 chung tiang hrawng kahdohnak a chuak tiah The Kokang nih a langhter.

Credit : The Chin Post

(RELCHAP) Pung-ngia tlang ah cycle in a kal mi ralhrang phu hna cu YDF nih an doh hna.

Magway ramthen, Kyaw in Gangaw lei ah cycle he a kalmi ralhrang phu hna cu November 24, zinglei suimilam 8:30 ah Pung-ngia (ပုံညာ) tumnak ah Yaw hmunhma mi zapi vengtu ralkap YDF nih an kah hna caah ralhrang minung 10 hrawng an thi, hliamhma fak tuar mi zong an um tiah YDF nih cathanh an chuah. YDF lei hliamtuar um lo in hnu an tolh kho, November 15 ni thok in ralhrang he kaphnih kar kahdohnak nitin in a fah caah mipi hna nih kahdoh a chuahnak hmunhma pawngah umkal lo ding in YDF nih cathanh an chuah.

Credit : The Chin Post

(RELCHAP) CDM A Tuah I Zung A Kai Thanmi Hna Cu Tha Tein Ngiatthlai Dingah Ralhrangbu Nih Nawl A Chuah.

CDM a tuah nain zung a kai thanmi hna cu nifatin an cawlcangh ning le khuasakning tha tein ngiatthlai i cunglei bawi hna sinah theihter dingin ralhrangbu nih nawl a chuah tiah theih a si. Atubantukin ralhrangbu nih nawl a chuahmi cu CDM a tuah i zung a kai thanmi hna nih NUG he pehtlaihnak tuah in thawngpeknak le tangka lei bawmhnak an pek tiah an ruah caah a si.

Cu ruangah CDM a tuah nain zung a kai thanmi hna cu nifatin an riantuanning, thutdirning le cawlcangh ning vialte hlathlai/ngiatthlai i cunglei ah theirter dingin ralhrangbu nih nawl an chuahnak a si tiah zung riantuan pakhat nih a chim.

Hlathlaitu le ngiathlaitu ah ralhrangbu nih Non-CDM le ralhrangbu a dirkamhtu hna chungin an zumh bikmi hna cu tuanvo an pek hna tiah theih a si. Kan hnulei zongah khan CDM a tuah i zung a kai thanmi hna cu a biapimi zung meeting hna ah telter lo dingin ralhrangbu nih nawl a rak chuah bal cang.

Atu bantukin ralhrangbu nih nawl a chuahmi ruangah CDM a tuah i zung a kai thanmi hna le Non-CDM hna karlak ah i hmuhthiamlonak a um len cang tiah Than Lwin Times nih a tial.

Credit : The Chin Post

error: Content is protected !!