Mizoram Ah Khuaruahhar Tak Tak Simi Thil A Cang Hoi Cang.

Mizoram, Khrihfa ram kan timi ah a tu bantuk thawngpang kan theih ko mi cu khuaruahhar ngaingai a si. Tutan Mizoram thawngpang kan theih mi cu a mak tuk hring hran ko. Hringtu a pa bak nih a fanu pumtlamtlin lonak a neimi cu a dau bak ko e. Hi kong hi a fanu a dau mi unaunu (a u) nih a mah ka bak in a chim phuan mi a si.

Hi kong hi vanchiatnak a tong tu unau nu(a u) nih a chim mi a si. Youtube chnnel Tuesday Nightmare timi channel ah khan zoh khawh a si lai. Hi lio ah hin an min le, an khua ti bantuk cu a u nu nih hin a chim lo. Ningzak ngaingai thil a si caah an min le an khua cu langhter a si lo.

A U nu nihcun thil can ning mah ti hin a chim, (a tawi nak in kan van chim ko lai) ka nu hi cozah tang ah rian a ttuan mi asi. Vanchia ngai in ka nu nih hin a kan thih tak. A lakhah hna cu kan min in a chiah ko rua kan ti lio ah ka pa min in a rak um diam. Ka nu a thih hnu cun kan har ngai ngai. Kei hi kum 18 ka si in pasal ka nei i fa pakhat kan nei. Ka pasal he hin kan i tthen i ka pa sinah kan um. Ka nu thih hnu kumkhat a tlin bak in kapa nihcun nupi dang a tthit.

Ka nu thih hlan hrim hrim ah kapa nih hin zu a ding bal lo. Ka nu a thih hnu ah hin zu a ding. Nupi dang a thit mi zong cu zu ding thiam thiam a si. Ka pa nupi nihcun aa kan rem lo. Ka pa nih hin voi tampi aa ka vuak cang. Kapa nih kanu a thih hnu a pension lakhah vialte zu dinnak an hman dih. Tangka hman ding kan nei bal lo. Mah cu chim lo a caan ahcun ka nau he hin ka pa zu dinak ding tangka tuak in rian kan ttuan tawn.

Ka nau hi pumtlamtlin lonak a nei mi a si 99 deuh phun khi a si. Kapa nih zu rumro a kan din hnawh caah ka nute te innah kan i thial. Mah lio ah hin ka nau nu nihcun ka nute inn i thial cu a duh lo, a ruang cu ka nute te inn ummi pakhat nih hin ka nau nu hi a rem loh, mah cacun a si.

Kan har tuk caah Singapore ah i hlawhfa in ka um. Ka fapa cu ka nute sinah ka chiah i, ka lakhah cu ka nute sinah a dih lak in ka kuat peng. Kum 2 chung bak ka lakhah cu ka nute sinah ka kuat tawn. Cu ka lakhah ka kuat tawn mi cun ka nute nih inn saknak ah a hman i, inn pakhat a sak khawh. Kum 2 hnu ahcun ka nute sinah cun , ka nute lakhah lak hi kan i chawk cang lai mu, tu thla na lak ahcun kei nih a neh chin ka lak ve lai tiah ka ti, ka nute nihcun aw e a ti ve.

Asinain ka nute a lungtling bak lo. Tangka na ka kuat lo ahcun Na fapa hi na pa sinah ka chiah lai tiah a ti i, ka fapa cu kapa sinah a chiah. Kapa sinah ka fapa a chiah caah ka lung aa nuam loh i singapore in ka tlung. Singapore ka tlun hlan ah hin ka nau nu hi kapa sinin a a rak zaam i, heh tiah police he kan kawl hnu ah police nih an rak hmuh. Mah lio ahcun phone in ka nau nu hekan i chawn i…

Phone i ka nau he kan i chonh ahcun, ka nau nu nihcun “ka u kapa nih a nupi ah a ka ruah i ka veilo te ah a zuzu a van chiah i a ka dau” tiah a chim. Ka nau nu nih hi kong a ka chimh ah hin Ka lung a fak tuk. Kapa nih ka nau nu a rak dau tawn caah kapa sin zong ah a rak um ngam loh. Mah hnu cun ka nau cu home ah an ka chiah piak.

Singapore in ka tlun hnu hin pasal ka nei i, ka nau nu cu kan sinah kan umter. Ka nu pension lakhah hi a fale kan mah caah a chiah mi a si lio ah kapa min in zeitin dah a um khawh timi hi a tu tiang kan thei lo..”tiah ngeihchia ngai in a u nu nih thil can ning a chim.

Note : A pa hi thong thlak zong a si loh i. A nu ei he lawng an um i a nu pension lakhah cu an i lak viar. An fale fangkhat te hmanh an pe bal lo. A fale tu cu a tu hi har ngai in khua an sa. Hi vanchiatnak a tongmi unau hna hi bawmh na duh ahcun a tang bak hmanthlak kan van thlah mi ah hin bawmhnak pek khawh a si lai. Hi Bank account nei tu hi, a pa nih a dau mi Unaunu Account a si.

Source : Tuesday Nightmare