Laimi Nih Kan Uar Ngai Ngai Mi Hlasakthiam Pensy Nih Pasal Aa Kan Neih Tak Cang Lai.

Laimi nih kan uar ngaingai mi Hlasakthiam Pensy B.Lalthangliani nih Pasal aa kan neih tak cang lai. Kan theih cio cang bantuk in Pensy hi Mizo Gospel singer a si. Lai hla zong a sa khomi a si. A mah hi Lunglei nungak muidawh a si pinah cathiam a si. A pasal ding he July 20, 2022 ah tthitumnak puai an tuah lai tiah thawng kan theih.

Pensy Pasal ding hi a min cu Richard Jongte a si, cathiam ngaingai a si i, Cozah tang ah rian a ttuan cuahmah lio mi a si i, Tripura Civil Service bak simi a si. A pasal dingmi Richard Jongte hi Vanghmun, Zampuitlang khua i ummi a si. Hi bantuk in Pensy nih pasal aa kan neih tak dingmi hi kan lawmhpi tuk hring hran ko. Bawipa nih tluang tein an i neih khawhnak hnga an lam hruai ko hna seh.

Kawlram mipi hna caah tiah India tangka in ting 90 cu Mizoram ah a lo tlau tiah Mizoram tadinca minthang vanlaini nih a langhter. Hibantuk in Kawlram buai ruang i harsatnak a tongmi tampi hna ca i bawmhnak hi ram kip i ummi kawlram mi siseh miphun dang tiang nih bawmhnak an pek cio hna. Bu, Ngo le a dang dang nih an bawmhnak vialte ting 90 (9million bak) cu Mizoram bak ah a tlau ti asi.

Chin State, Mindat district i MLA hlun UAungthang nih cun Aizawl Press Club ah thawngpang latu hna cu Kawlram mipi caah i bawmhnak thawhmi ting 90 a tlau tiah a chim. A chim ning ah tangka hi Kawlram bank account hman khawh a si rih lo caah Mizoram bank account a hlan chung tiah a chim.

Bank account a hlanmi pa hi Kawlram in Mizoram ah liamcia kum 20 khan a rak lut i Mizoram ID vialte zong a neih ding cangmi Mangliana a si tiah a chim. Hi Mangliana Bank account hin tangka cu a tlau dih pin ah mah Bank account neitu lila zong hmuh ding hrimhrim a um ti lo tiah a chim.

Source : Vanglaini

Hlasakthiam Yaw nih nupi aa kan neih tak cang. A nupi hi a mui an langhter rih loh nain muidawh le pumrua that ngai dawh a si. Sayamah A Nyein nih Hlasakthiam Yaw Kee nupi neih nak hmanthlak cu a van share hi a si. A tanglei hmanthlak pawl hi Yaw Kee le a nupi CML tiah auh mi an i neihnak hmanthlak pawl an si.

Photo Credit : A Nyein

SAC Ralkap He Riantuanti Lo Ding In CDF-Hakha Nih Mizapi Sin Ralrinpeknak Cathanh An Chuah!

Min Aung Hlaing le a ralkap hna nih 2021 February 1 ni thokin kan miphun le ram cu sal ah ser an kan timh. Hriamnam bochan in mizapi an kan namneh caah CDF-Hakha zong nih hriamnam hmang in mizapi kilvennak cu kan tuah ve. Hakha khua chungah ralhrang pawl nih mizapi an namneh tuk cang caah CDF-Hakha nih hi cathanh chuah ni thok in ralhrang hna cu kan hmuhnak paohah kahdohnak kan tuah cang lai. Ralhrang he rian a ṭuan ṭimi zong ralhrang bantukin ruah nan si lai.

Ralhrang nih mizapi cu ralphaw ah hmang in himnak an kawl i an uknak fehter an timh fawn. Cucaah Ralhrang umnak pawngkam ah mizapi nan um nakhnga lo thawng kan in thanh hna.

Ralhrang he rian na ṭuanṭi ruangah kut na tuar ah siseh, an umnak hmun, zung le sianginn pawl pawngkam ah na um ruangah kahdohnak hma na tuar ah siseh, Ralhrang le nangmah palh a si lai, CDF-Hakha nih tuanvo a la lai lo.

Kan ram le miphun a luat hlan lo nunnak thap in dothlennak tuahṭi ding in kan in sawm hna tiah nihin June 16 ah CDF Hakha nih cathanh an chuah.

Credit : The Chin Post