Kum Tlinglo Ngakchia Telh In SAC Ralhrang Nih Zei Suallo Minung 12 CuZohngam Tilo Tiangin  APhu Bak In An Thah Hna

Sagiang ram asimi Kani pengah khuate pakhat ah kum 14 ngakchia pa telh in minung ruak 12 a phu in hmuh an si. An thah ning hna hi  afak tuk hringhran ko tiah mithmu tu hna nih an chim.  July 26 lio ah khan khuachung ah ralrang lut in mipi an tlaih hna. Cuni thok in cun khuami kawl hram kan I thok tikah atu bantuk in an ruak kan hmuh hna hi ais tiah mi pakhat nih achim fawn.

No description available.

An rak zong hi tonghtham awk an ttha tilo. July 26 le 27 an thahmi kha July 30 ah an hmuh hna tikah nili chung an rak thumam dih cang. An ruak hi alanghlat zoh ahcun mei in dead body khang cangmi an lo. A thimi pawl hi pa pawl an si hna ii Khutun khua in minung 2 an thah hna. Tayat khua in kum 14 ngakchia telh in minung 7 an thah hna ii Kani khuapi chungin 3 tiah an si.

Kani khua thahmi chungah hin unau minung 3 an si tizong an chim chap. An ruak zoh tikah an ttang ah meithal neh hi akhat ii an pum hi  aduk in an duk dih ti asi. A cheu khat an ruak hi mei in  acheu khanghcia an si hna. Hi bantuk zei sualnak ngeilo mii an kan thha hi kan lung  afak hringhran ko tiin khuami pakhat nih  alanghter  chih.

No description available.

Relchap:

CDF-Hakha nih Surkhua RC Father le Dumva Khuami an Tlaih Hnanak aruang an Langhter.

CDF-Hakha nih July 26 ah an tlaihmi hna Surkhua RC Father Rev. Noel Hrang Tin Thang le amah he khual a tlawngmi Dumva khuami saya Clement Cung Hnin an tlaih hnanak aruang tuzaan (August 1) ah an langhter.

An tlaih hnanak aruang: (1) Surkhua ah ralhrang ralkap nih hmunhma khuar ding in an i tim peng i, Senthang peng chung khuasa pawl lemsoi ding in Father Rev. Hrang Tin Thang an hman.

(2) Ralhrang ralkap tuahmi Tender cu Senthang Company ah Managing Director a sinak min hmang in a lak i a ttuan cuahmah.

(3) Senthang peng ah a ummi CDF-Hakha (Battalion-2) an umnak lei ah a kalmi ralhrang ralkap minung 57 cu July 1 ah Surkhua le Hausen karlak ah a don hna.

(4) Hakha ralhrang ralkap nih sii-ai in mi an lemsoinak thilri cu July zarh khatnak ah Hakha ah a vung lak lawng si loin Senthang khuami pawl ralhrang bawmhnak lak ve ding in a forhfial hna.

(5) CDF-Hakha kong ningcang lo le dikhmaan loin a leng ah messenger in a kuat hna. SAC ralhrang he pehtlaihnak a ngeihmi kong ah CDF-Hakha nih July 6 ah le July 15 ah voi hnih ralrinnak kan rak pek cang, tiah thawngthanhnak ah an langhter chih.

Credit : The Chin Journal August 1, Yangon

error: Content is protected !!