Hakha Khuachung ah Jet Vanlawng Sau Ngai aa Vel (Video)

Nihin Ah Jet Vanlawng Nih Hakha Khuachung Sau ngai A Vel: Video a tanglei bik ah a um lai.

Nihin zanlei ah Hakha khuachung cu Jet vanlawng nih sau ngai a vel tiah theih a si!

Hakha khuasa pakhat nih cun, “Thawngpang kan theih i motor thawng a silo kha fiang tein kan theih caah leng ah chuak in kan zoh cu, vanlei ah Jet vanlawng a zuang mi cu kan hmuh. Cu Jet vanlawng cu ding tein zuang lo in a vel in aa vel caah kan khuaruah a har ngai! A hramthawk ah cun vanlawng lam a tlau mi maw si hnga? tiah kan ruat i kan zoh ko.

“Cun, cu vanlawng cu thlanglei in aa vel hnu ah Rungtlang lei in a rak zuang ṭhan, voi tam ngai aa vel caah kan lau pah ko. Thil pakhatkhat ngiatthlai mi ngeih dawh a si, kan hmuh hramthawk cu zanlei suimilam 2:30 hrawng a si i suimilam 3:15 tiang hrawng cu kan hmuh,” tiah The Chin Post ah a chim.

Cu Jet vanlawng cu niam tein a zuang, tiah a chim chap. Source: The Chin Post.

Relchap: Tuni ah thawngpang tha kan theih. Tuni ikahnak ah CDF Matupi lei hmapu mi um lo tein him tein an kir kho tiah thawng kan theih. Nihin January 13, zinglei 9:00 hrawng ah Matupi le Mindat karlak ah CDF-Matupi le Council ralhraang an i kap i ralhraang pakhat a thi, pathum hma an pu.

CDF-Matupi lei hmapu um lo tein hnulei an kir kho tiah CDF-Matupi nih an thanh.

Nihin Ah Jet Vanlawng Nih Hakha Khuachung Sau ngai A Vel: Video Credit: The Chin Post

error: Content is protected !!