CONGRATULATIONS : Kan Laipa Nih Thailand Pa A Tei.

Kan Laipa NT Lalbiakkima nih Thailand boxer Kumsahwat a tei. Lawmhpi cio hna usih. Kan Laipa nih hin Thailand pa hi Round 2 nak ah fawi tein Knockout in a tei diam. Tutan an i phomhnak hi IBA Intercontinental title fight asi. Kan Laipa nih hin a chim mi cu World Champion ka si lai tiah a rak chim bal. A tu bantuk in aa phomh peng ahcun World Champion a si hrim hrim ko lai. Kan lawmhpi tuk hring hran. Bawipa nih a lam hruai zungzal ko seh.

(Aa phomh lai te i kan post mi) Tuzan ah kan Laipa NT Lalbiakkima le Thailand pa kumsahwat an i phomh cang lai. NT Lalbiakkim hi a konglam kan rak post bal cangmi a si. A mah hi Saiha Mizoram chuak a si. A pa hi Laipa diktak a si. Lai sinak le Mizo sinak nei mi a si. Mah cacun Kan Laipa tiah chim khawh a si. Tuzan ah Thailand pa he an i phomh lai.

Zeitin dah na zoh khawh lai? Na phone ah khan “Chhimbal” app cu Playstore in na download lai. Mah hnu cun Register na tuah lai i na register khawh in, PPV in cawk ding a si lai. India tangka RS 100 in cawk khawh a si lai i, cawknak ding a rak lang lai. Mah kha na hmeh lai i, online payment fawi tein tuah khawh a si. Google pay zongin fawi tein cawk khawh a si faw. A caan hi India suimilam 8:00 ah an thok lai. Zoh khawh cio i zuam hna usih.

(RELCHAP) Biak Hlei Par Nih Pathian Thangthatnak Hla Thar A Sak Mi Cu A Mak Law Law.

Kan Lainu Gospel Singer Biak Hlei Par nih Pathian thangthatnak hla thar “Kan Ram A Si” timi hla a sakmi cu a thiam law law. Cu tluk kan Lainu hlasakthiam khawh cu. Pathian lei thazaang a dermi ca zong ah thazaang tampi lak khawhnak a si. A tang bak ah a video link um lai. Bawipa sunparnak caah si hram ko seh.

VIDEO  https://www.youtube.com/watch?v=rgLFT02M8RQ

Video Credit : Chin Gospel Stars TV

(RELCHAP) Mukung, ChinChaitthan lei ah ralhrang le MNDAA kahdohnak a chuak.

Shan ram thlanglei Mukung pengkomh Chin Chaitthan lei ah ralhrang phu le MNDAA kar ah nizaan November 24 chun suimilam 11:52 ah kahdohnak thok in suimilam 4 leng tiang kahdohnak a chuak, ralhrang lei in a tlawmbik minung 3 an thi i MNDAA lei in minung 1 nih hliamhma a tuar tiah The Kokang thawngzamhnak nih a tial. Ralhrang phu hna nih Kokang MNDAA umnak Manyan hmunhma le Shigyijya tlang lei ah hriamngan kah in an doh caah nikhat chung ah hriamngan kuan dihlak (120) leng an kah i, Kokang MNDAA lei in minung 2 cu hriamngan nih a hliamh hna tiah theih a si.

Ralhrang phu hna i nichuah thlanglei regional military headquarters in khah-lah-yiah 41 nih Kokang hmunhma 1, Mukung pengkomh chung ummi sakhan pakhat ah zinglei suimilam 10:35 ah an rat hnawh hna caah KNDAA he kahdohnak a chuak. Cun Namlaw hmunhma nitlaklei ah ral lamsial in a kalmi ralhrang phu hna he minutes 40 chung tiang hrawng kahdohnak a chuak tiah The Kokang nih a langhter.

Credit : The Chin Post

(RELCHAP) Pung-ngia tlang ah cycle in a kal mi ralhrang phu hna cu YDF nih an doh hna.

Magway ramthen, Kyaw in Gangaw lei ah cycle he a kalmi ralhrang phu hna cu November 24, zinglei suimilam 8:30 ah Pung-ngia (ပုံညာ) tumnak ah Yaw hmunhma mi zapi vengtu ralkap YDF nih an kah hna caah ralhrang minung 10 hrawng an thi, hliamhma fak tuar mi zong an um tiah YDF nih cathanh an chuah. YDF lei hliamtuar um lo in hnu an tolh kho, November 15 ni thok in ralhrang he kaphnih kar kahdohnak nitin in a fah caah mipi hna nih kahdoh a chuahnak hmunhma pawngah umkal lo ding in YDF nih cathanh an chuah.

Credit : The Chin Post

(RELCHAP) CDM A Tuah I Zung A Kai Thanmi Hna Cu Tha Tein Ngiatthlai Dingah Ralhrangbu Nih Nawl A Chuah.

CDM a tuah nain zung a kai thanmi hna cu nifatin an cawlcangh ning le khuasakning tha tein ngiatthlai i cunglei bawi hna sinah theihter dingin ralhrangbu nih nawl a chuah tiah theih a si. Atubantukin ralhrangbu nih nawl a chuahmi cu CDM a tuah i zung a kai thanmi hna nih NUG he pehtlaihnak tuah in thawngpeknak le tangka lei bawmhnak an pek tiah an ruah caah a si.

Cu ruangah CDM a tuah nain zung a kai thanmi hna cu nifatin an riantuanning, thutdirning le cawlcangh ning vialte hlathlai/ngiatthlai i cunglei ah theirter dingin ralhrangbu nih nawl an chuahnak a si tiah zung riantuan pakhat nih a chim.

Hlathlaitu le ngiathlaitu ah ralhrangbu nih Non-CDM le ralhrangbu a dirkamhtu hna chungin an zumh bikmi hna cu tuanvo an pek hna tiah theih a si. Kan hnulei zongah khan CDM a tuah i zung a kai thanmi hna cu a biapimi zung meeting hna ah telter lo dingin ralhrangbu nih nawl a rak chuah bal cang.

Atu bantukin ralhrangbu nih nawl a chuahmi ruangah CDM a tuah i zung a kai thanmi hna le Non-CDM hna karlak ah i hmuhthiamlonak a um len cang tiah Than Lwin Times nih a tial.

Credit : The Chin Post

error: Content is protected !!