Breakingnews: Trump An Thleidan Ti Ruang Bakah Buainak Fak Tuk A Chuak Than Cang

Magyn Kelly: Capitol Buainak Cu Media Ruangah Si

US nu Journalist vialte lak ah mintang bik a simi Megyn Kelly nih Capitol Hill buainak a chuahnak a ruang taktak cu, Main stream media CNN le media ngan pipi nih President Trump cungah thleidanak an tuah ruangah a chuakmi a si tiah a chim. US mipi nih main stream media chungah zumhnak an ngei ti lo.

Mipi thinhunnak an chuahter, mah ruangah Capitol Hill inn tiang luh hnawhnak a chuahmi a si tiah nizan ah a chim.  Media nih mipi sin ah thawng an pekmi hi a dik lomi a tam tuk pin ah kap khat lei lawngte a si tik ah mipi thinhunnak cu Capitol Hill cungah a tla tiah BBC News night interview ah nizan ah a chim.

May be an image of 1 person, standing and text that says "@O 2UMS 'THEY HATED HIM' Megyn Kelly blames Capitol riot on networks like CNN over Trump coverage Megyn Kelly has blamed media outlets, like CNN, for the deadly US Capitol riot."

A hlei nih CNN nih President Trump cungah a huatning a faak tuk, an pumpak huatnak in mipi thawng an pek tik ah a dikmi thawng an pe kho lo.  Megyn Kelly hi US President a cuhmi hna debate ah bia a hal tawntu a si. President Trump zong bia har ngaimi a rak hal bal caah faak ngai in soisel a tong balmi a si. Megyn Kelly cu US media anchor a tuan balmi mi lak ah phaisa tam bik a hmumi nu pakhat a si.

Trump makes first trip to Iraq as president - POLITICO

NBC, ABC, Fox News, Podcast, Youtube ah rian a tuan balmi a si. NBC a tuan lio ah Kum khat US$ 18 million in an hlan. Keimah pumpak in US media anchor vialte lak ah ka uar bikmi a si. Amah hi Albany Law School in D.J degree tiang a ngahmi a si. Atu cu Megyn Kelly podcast ah The Meagyn Kelly Show a tuah i rian a tuan. Amah hi zei party hmanh ah a lutmi a si lo, Independent a si an ti, democrats zong Republican zong a duhmi hna cu a vote ko hna ti a si. Cred: Salai Lairamthang

Pentagon Distances Esper, Milley From Trump's Church Photo Op | National  News | US News

Relchap: Kan unau nu,H.Lalzarliani kum 31,a pa,H.Lalthlamuana cu zahan 24 January 2021 zan suimilam 9 pm renglo deuh ah khan,New Delhi i Cozah siin DDU ah a nunnak a liam tiah theih a si. H.lalzarliani hi New Delhi ah hin kum zeimawzat a um ve cang mi asi i, Laimi sin zong ah hin ka miphun te an si tiin tha tein a khuasa ve mi nu asi i, midang cungah thinhunnak siseh thil thalo siseh a tuah bal mi asi lo i, hawikawm zong nih an tlaihchan ngaingai mi asi ti hi keimah pumpaak bak in ka theih mi asi.

A tu a thihnak a ruang hi Pneumonia le TB in a damlo hi asi i, DDU i an kalpi hlan ah hin siin dang tiangin kalpi asi ko nain a dam hlei lo caah DDU siin i an thial khi a si,dam hlei a zalhlo caa a tubantuk in a nunnak a liam hi asi. A mah hi,Mizoram, Khawzawl,Champhai pawngte i khuapi inn 2000 tluk a si mi khua i a chuak mi a si tiah theih asi.

A ruak hi mizoram an khua leiah kuat dingin timhlamh asi i nihin 25 january zing suimilam 6 am ah hin Mizoram panh in vanglong hmangin phurh tlunpi asi lai tiah BMC President Pungura nih a chim. Cred:Chinnews

Relchap: Joe Biden him tein President biakamnak a tuah khawhnak dingah National Guard minung 5000 cu Capitol Hill inn chung in Capitol Security Police rian ngeitu hna nih an thawl hna i vawlei tang motor chiahnak heat a um lonak ah an riahter hna. zun in pahnih khat lawng an hrawnter hna caah khuaci an mui.

May be an image of 1 person and text that says "Donald Trump invites National Guardsmen to stay at his DC hotel after they were forced to sleep in garage At least 5,000 National Guard troops deployed at the Capitol to protect Joe Biden's inauguration were forced to rest in a garage By Kunal Dey Published on 03:48 PST, Jan 23, 2021 f"

Mah ruangah rian ngeitu Democrats an Pi Chur Nancy Pelosi cu faak ngai in soiselnak a tong. President hlun Donald Trump nih a hotel ah free in rak riah dingah a sawm hna. Social Media le News tampi ah Biden cozah tiang soisel an ton caah Joe Biden nih ngaihthiam a hal than hna. Mah hnu ah Capitol Hill innpi chungah an thial than hna. Cred: Salai Lairamthang

 

 

error: Content is protected !!