A Phuan Viar Cang.

BREAKING NEWS: Hakha, Falam i Mi Ngiatu Kong Cu CDM Ralkap Pakhat nih a Phuan Dih Cikcek.

Chin ramkulh chungah a ummi ‘နတ်ဆိုးကြီးများ’ phu hi SAC an si ko tiah CDM ralkap pakhat nih a chim.Chin ramkulh, Falam le Hakha hna ah CDM cawlcanghnak a dohtu le ralkap lei mi ngiathlaitu ‘နတ်ဆိုးကြီးများ’ phu hi SAC ralkap i pehtlaihnak commander nih a hruaimi hna phu an si tiah CDM ralkap pakhat nih a chim.Hakha khua ah ဒုတိုင်းမှူး nawlpeknak in SAC pehtlaihnak lei commander nih zaan ah catlap pawl benhnak hna a tuah tiah a chim.

Atu bantuk in a chimtu CDM ralkap pa hi SAC pehtlaihnak commander a mawṭaw mawngtu pa a rak si.Pehtlaihnak lei commander le CDM ralkap mawṭaw mawngtu pa nih zaan caan ah Hakha khuachung vak in catlap pawl an benh tawn tiah theih a si. Source: The Chinland Post.

Hramhram in uknak lak a si hnu ah inn le lo a zaamtakmi 1.2 million an um, vawlei pumpi ah inn le lo a zaamtakmi cazin 100 million a lonh

Myanmar ram telh in vawlei pumpi buainak, hramhram thiltuahnak, dantatnak le nuhrin covo buarnak hna ruangah inn le lo a zaamtak mi hi kum 10 peh in an karh i cazin an lak thok in 2021 kum hi a sang bik a phanh si tiah United Nation High Commission for Refugees (UNHCR) nih report thar a chuah.”2021 cazin ning ahcun inn le lo a zaamtakmi 89 million an um. Ukraine raltuknak a chuah hlan deuh ah cazin a karh tuk i a hlan kum nak in a kai deuh bantuk in kum caan saupi hnu ah a tubantuk dirhmun phak ṭhan hi a si” tiah Commisioner of United Nation High Commissioner for Refugees Filippo Grandi nih a chim.

Myanmar ram ah a luancia February thla in SAC nih hramhram in uknak a lak hnu ah inn le lo a zaamtakmi hi 1.2 million an si lai tiah ruahdamh a si. Buainak a phichuah khawhnak hnga ramdang phu nih a bawmh lo a si ahcun a tubantuk dirhmun saupi ton a si rih lai tiah a chim fawn.Tukum thok i Ukraine kahdohnak ruangah a zaammi telh in vawlei pumpi ah inn le lo a zaamtakmi cazin 100 million a lonh cang tiah UNHCR nih a langhter. A luancia kum bak in vawlei punpi ah inn le lo a zaamtak zaamtakmi cazin a karh tiah a langhter.Source: The Chinland Post.